logo radio hayԱյս շաբաթ Թամար Հովհաննիսյանը զրուցում է ձեզ հետ, ամուսնու՝ Մհեր Մկրտչյանի մասին, տարեդարձի առիթով ներկայացնում՝ երբևէ չլսված արխիվային նյութեր:
Միացե՛ք հուլիսի 3-ին, ժամը 16:30-ին, կրկնությունը հուլիսի 5-ին` 20:00-ին Ռադիո Հայ ցանցի եթերում։

3.07.2018 Radio Hay Network



radio hay

Печать

 Ռեկվիզիտներ ֆիլմերից, բեմական հագուստ, լուսանկարներ, բազմաթիվ իրեր ու պատմություններ, որոնք Գյումրու Մհեր Մկրտչյանի թանգարանում բացահայտում են մի ուրիշ Մհերի, շատերին անծանոթ, ինչ-որ առումով նաև առեղծվածային:
Գյումրու Վարպետաց ու Ռուսթավելի փողոցների հատման կետում գտնվող Ռուսթավելի 30 հասցեում իր սիրելի դերասանին Ռադիոլուրն օրերս բացահայտել է նորովի:

Մհեր Մկրտչյանի ծննդյան օրվան նվիրված ռեպորտաժը գուցե շատերիս համար մկրտչյանական նոր բացահայտումների առիթ կդառնա:
Ֆրունզիկի լույս աշխարհ գալու տարիներին՝ 30-ականներին, երեխաներին հայտնի զորավարների անունով կնքելը նորաձև էր: Հասուն մարդ էր, երբ Մարտիրոս Սարյանից պահահաբար իմացավ, որ Ֆրունզ անունով զորավարը ծանր պահին թուրքերին զենք ու զինամթերք է մատակարարել:
Ու որոշեց հրաժարվել անունից՝ իրեն հռչակելով Մհեր՝ ի պատիվ Միհր Աստծո: Բայց ժողովուրդն արդեն սիրել էր Ֆրունզին, ու մինչև կյանքի վերջն էլ ժողովրդի  համար մնաց որպես Ֆրունզ:
Գյումրու Ռուսթավելու 30 հասցեում գտնվող շենքում Մհեր Մկրտչյանը չի ապրել, նա տեքստիլագործների թաղամասից էր, բայց հենց հիշյալ հասցեում է 2006-ից գործում նրա անունը կրող թանգարանը, տնօրեն Շողիկ Մելքոնյանի պարզաբանմամբ՝ նախկինում «Ուստա Կարո» խաշատան շենքում: Սա Ֆրունզի ամենասիրելի հասցեներից էր Գյումրիում։
Բեմական հագուստներ,  իրեր, տարբեր ֆիլմերում օգտագործած ռեկվիզիտներ, դերասանի պարգևները, նվերները, Մհեր Մկրտչյանի մոր՝ Սանամի կենցաղային իրերը, հարյուրավոր լուսանկարներ: Թանգարանի ցուցանմուշների հավաքածուն 2007-ին հարստացավ նաև Մհեր Մկրտչյանի թոռնուհու՝ Իռեն Տերտերյանի նվիրաբերած շուրջ 1500 նոր ցուցանմուշներով, որոնց թվում նաև դերասանի սիրելի խամաճիկ տիկնիկն էր:
«Մհերը հաճախ խաղում էր այդ տիկնիկով՝ նրան տալով իր բացասական հույզերը ու վերցնելով նրանից դրականը»,-ասում է տիկին Շողիկն ու անդրադառնում թանագարանի ամենահետաքրքիր ցուցանմնուշներից ևս մեկին։
Մհեր Մկրտչյանի բացառիկ սերը փղերի ու նրանց արձանիկների հանդեպ բացահայտում ենք հենց Գյումրու նրա անունը կրող թանգարանում: Ինքն ուներ փղիկների բազմաթիվ արձանիկներ ու մյուսներին էլ հորդորում էր անպայման տանն ունենալ դրանցից: Անվերապահորեն հավատում էր, որ փիղը ընտանեկան երջանկության պահապանն է:
Ֆրունզն ասում էր, որ սիրում է բոլոր կենդանիներին, բացի կենգուրուից: Երբ հարցել են՝ ինչու, ինչ է արել քեզ խեղճ կենգուրուն, որ չես սիրում, պատասախանել է։
«Չեմ սիրում, որովհետեւ երբ կենգուրուն վտանգ է զգում, անմիջապես գրպանից հանում է ձագին ու դեն շպրտում, որ առաջինը իր մորթին փրկի»։
«Մեր մանկության տանգոն» ֆիլմում մի քանի կոմոդ է օգտագործվել, դրանցից մեկն այսօր թանգարանում է, այստեղ է նաև ֆիլմում օգտագործած մահճակալը: Եղբոր՝ ռեժիոսոր Ալբերտ Մկրտչյանի մահից հետո նրա ընտանիքը թանգարանին է նվիրել Ֆրունզին պատկանող պահարանն ու Օրիոն մակնիշի հեռուստացույցը, որը դերասանը գնել էր հնդկական «Ալի Բաբան և 40 ավազակները» ֆիլմից ստացած հոնորարով:
Ցուցանմուշների մեջ աչքի է զարնում Ֆրունզի վերարկուի գրպանից կախված թաշկինակը՝ նրա անձնական դրամայի ու բոլորից թաքուն պահած արցունքների յուրօրինակ խորհրդանիշը:
60-ականներին, երբ Ֆրունզը մեծ հեղինակություն էր վայելում ամբողջ խորհրդային տարածքում, Տայգայի փայտահատները ծառի բնի մեջ պատահականորեն հայտնաբերում են անձեռակերտ փայտե քանդակ՝ չափազանց նման Մհեր Մկրտչյանին: Փայտահատներն այն լաքապատում են ու սիրո խոստովանության փոքրիկ նամակով ուղարկում դերասանին: Քանդակն այսօր Գյումրու թանգարանում է: Ցուցանմուշների մեջ նաև Մհեր Մկրտչյանի որդու՝ Վահագի ձեռքով արված հոր դիմանկարն է։
Տիկին Շողիկը պատմում է, որ թանգարանը հաճախ արտասահմանցի հյուրեր է ունենում, ոմանք  գալիս, ծնկի են իջնում Ֆրունզի իրերի առաջ ու լաց լինում: Ֆրունզի հանդեպ բացառիկ սիրո մասին վկայում է նաև այս պատմությունը։
Գյումրու թանգարանում բացահայտած պատմություններից ևս մեկը: «Զինվորն ու փիղը» ֆիլմի նկարահանումների ընթացքում շատ է մտերմանում կենդանուն: Նկարահանումներից մեկի ժամանակ հոգնած քնում է:
Հանկարծ աչքերը բացում է ու գլխավերևում տեսնում է փղի հսկայական կճղակը՝ կարծես պատրաստ գլուխը տրորելու: Վեր է ցատկում ու վախեցած փախչում, իսկ վարժեցնողը հետևից  կանչում է. «Մի վախեցիր, երբ փիղը ոտքն ինչ-որ մեկի գլխավերևում բարձրացնում ու պահում է, դա նշանակում է, որ  նրան սիրո խոստովանություն է անում»:


alisa gevorgyanhttp://www.armradio.am/hy/2018/07/04/44-941/

Печать

Рассказывает Рудольф ГевондянՊատմում է Ռուդոլֆ Ղեվոնդյանը

Պատմում է Ֆրունզիկ Մկրտչյանը

Պատմում է Խորեն Աբրամյանը

Печать

Հանրային ՌադիոՀանրային ռադիո "Կամուրջ"
Ինպե՞ս ենք մենք ճանաչում Ֆրունզիկ Մկրտչյանին` որպես կատակերգո՞ւ, որպես ողբերգական դերերի մարմնավորո՞ղ:
Անդրադարձ Շուշանիկ Սահակյանի և Հովհաննես Պապիկյանի "Էն ուրիշ Ֆրունզիկը" վավերագրական ֆիլմին:
Երևան 2015, օգոստոս.

Печать

Հանրային ՌադիոՀանրային ռադիո  "Վերնատուն" մշակությաին ծրագիր
Հաղորդման հեղինակ` Մերի Մուսինյան
Զրույցը թատերագետ Լևոն Մութաֆյանի հետ է:
Մհեր Մկրտչյանի մասին հուշեր է պատմում նաև սիրելի դերասանուհի Վարդուհի Վարդերեսյանը:
Երևան 2012, հուլիս.

Печать

Мы в ОДНОКЛАССНИКАХ

Мы в КОНТАКТЕ

Մարդ էլ կա, մարդ էլ.

ՊԱՐՈՒՅՐ ՍԵՒԱԿ - ՄԱՐԴ ԷԼ ԿԱ, ՄԱՐԴ Է
посмотреть видео

Качество сайта согласно www.cys.ru

качество сайта frunzik.com

Мы на ФЕЙСБУКЕ