Օսկարի համար չենք նկարահանել, սա սիրո խոստովանություն է․ Դավիթ Բեժիտաշվիլի (տեսանյութ)


«Սա ոչ շեդևր է, ոչ Օսկարի համար ենք նկարահանել։ Սա հարգանքի տուրք է մեծ դերասանի հիշատակին։ Այս ֆիլմով մենք մեր սերն ենք արտահայտել Ֆրունզին»,- ասում է «Ֆրունզիկ Մկրտչյան. Հնդկաստանը հիշում է ինձ» վավերագրական ֆիլմի պրոդյուսեր Դավիթ Բեժիտաշվիլին, «Մոսկվա» կինոթատրոնում ֆիլմի պրեմիերայից առաջ ու հավելում․ «Ես ինքս մանկուց սիրել եմ Ֆրունզին և 2007 թվականից, երբ գալիս էի Երևան, անպայման գնում էի ծաղիկ խոնարհելու նրա շիրիմին»։
Պրուդյուսերի խոսքով, մեծ ցանկություն ուներ Ֆրունզի մասին ֆիլմ նկարահանել, սակայն հասկանում էր՝ քանի որ նրա մասին արդեն շատ ֆիլմեր են նկարահանվել, պետք է ներկայացնել դեռևս չլուսաբանված էջերը։
«Այն, որ Մհեր Մկրտչյանը նկարահանվել է ԽՍՀՄ-ի և Հնդկաստանի համատեղ արտադրության «Ալի Բաբան և 40 ավազակները», «Սիրո լեգենդ» ֆիլմերում՝ մարմնավորելով Մուսթաֆայի և Բարմանդուի կերպարները․ մեր երիտասարդ սերունդը տեղյակ չէ։ Ես էլ մտածեցի, որ հենց այդ մասին էլ կլինի ֆիլմը։ Ֆիլմի հիմքում վրաց անվանի դերասան և ռեժիսոր Վախթանգ Կիկաբիձեի, հնդիկ դերասանուհի Հեմա Մալինիի, հնդիկ դերասան Դհարմենդրայի, Սոֆիկո Չիաուրելիի, Ռոլան Բիկովի հուշերն են Մհեր Մկրտչյանի մասին։
«Ֆրունզիկ Մկրտչյան. Հնդկաստանը հիշում է ինձ» վավերագրական ֆիլմը ստեղծվել է «Հայ-հնդկական բարեկամություն» հասարակական կազմակերպության և «Վրաստանի և Հնդկաստանի մշակութային պալատի» հիմնադիրներ Ռանանջայ Անանդի և Դավիթ Բեժիտաշվիլիի համատեղ ջանքերով և Հնդկաստանի անկախության 75 և «Հայ- հնդկական բարեկամություն» կազմակերպության 10-ամյակներին։


https://a1plus.am/hy/article/410410?fbclid=IwAR1H5-Ui5eLil5RfmYkgih0zpgp2fPYLF37GIbrQbQMMn2_UX7WLiIoXvsI


Печать